Tekjuupplýsingar
Almennt
- Sjóðurinn aflar upplýsinga um tekjur lánþega hjá Ríkisskattstjóra.
- Ef Ríkisskattstjóri hefur um mitt ár áætlað tekjur á lánþega ber sjóðnum að nota áætlunina við útreikning tekjutengdrar afborgunar.
- Lánþega ber jafnframt að standa skil á þessari greiðslu, þó að hann telji hana ekki taka mið af réttum tekjum.
- Greiðandi getur síðan sótt um endurútreikning í allt að 60 daga eftir gjalddaga og fengið afborguninni breytt þegar nauðsynleg gögn hafa borist sjóðnum.
Tekjur erlendis
- Ef lánþegi er búsettur erlendis og ekki skattskyldur á Íslandi af öllum tekjum sínum og eignum getur hann skilað inn staðfestingu á tekjum frá viðkomandi skattyfirvöldum.
- Hér má sjá hvaða staðfestingar og upplýsingar þarf að senda sjóðnum frá nokkrum löndum, varðandi tekjur greiðenda.
- Erlendar tekjur eru umreiknaðar í íslenskar krónur miðað við meðalgengi Seðlabanka Íslands undirliggjandi tekjuárs fyrir viðkomandi mynt þegar gjalddagi er myndaður.
- Hafi slík staðfesting ekki borist þegar tekjutengd afborgun er ákvörðuð í byrjun ágúst ár hvert, eru tekjur áætlaðar á lánþega og viðbótargreiðslan reiknuð samkvæmt henni. Lánþega ber að standa skil á þessari greiðslu.
- Greiðendur geta stótt um endurútreikning á greiðslunni í allt að 60 daga eftir gjalddaga með því að senda staðfestar upplýsingar um tekjur frá viðeigandi skattayfirvöldum erlendis.
Áætlaðar tekjur
- Ef tekjuupplýsingar berast ekki frá lánþega eru tekjur hans áætlaðar.
- Áætlunin byggir á þeim tekjuupplýsingum sem sjóðurinn hefur aflað á tekjuárinu á undan þar sem reiknaðar eru meðaltekjur greiðenda með sama menntunarstig.
