Framfærslulán
Grunnframfærsla
- Framfærsla námsmanns í leigu- eða eigin húsnæði kallast grunnframfærsla.
- Námsmaður í foreldrahúsnæði eða leigulausu húsnæði fær 50% af grunnframfærslu.
- Grunnframfærsla á Íslandi er 132.792 kr. á mánuði eða 19.919 kr. fyrir hverja ECTS-einingu sem námsmaður lýkur.
- Framfærsla námsmanna erlendis miðast við grunnframfærslu þar sem skólinn er staðsettur (sjá nánar fylgiskjal II).
- Hafi námsmaður barn/börn á framfæri undir 19 ára aldri er tekið tillit til þess.
Viðbót vegna barna
Námsmaður í sambúð, hjónabandi eða staðfestri samvist með barn/börn á framfæri
- Viðbót við grunnframfærslu er 4.507 kr. fyrir hverja lokna ECTS-einingu fyrir fyrsta barn, Fyrir annað barn 4.282 kr., þriðja barn 3.606 kr., fjórða barn 3.380 kr. og fimmta barn eða fleiri 3.155 kr.
- Sambærilegt hlutfall af framfærslu gildir um námsmenn erlendis.
- Barnið verður að eiga lögheimili hjá námsmanninum eða búa sannanlega hjá honum.
Einstætt foreldri með barn/börn á framfæri
- Viðbót við grunnframfærslu er 8.142 kr. fyrir hverja lokna ECTS-einingu fyrir fyrsta barn, fyrir annað barn 7.735 kr., þriðja barn 6.514 kr., fjórða barn 6.107 kr. og fimmta barn eða fleiri 5.699 kr.
- Sambærilegt hlutfallt af framfærslu gildir um námsmenn erlendis.
- Námsmanni er aðeins veitt lán sem einstæðu foreldri ef hann fer með forsjá barnsins og barnið býr hjá honum á námstíma.
- Í þeim tilfellum þegar um sameiginlegt forræði er að ræða og barnið á ekki lögheimili hjá námsmanni þarf að leggja fram staðfestan samning frá sýslumanni óski námsmaður eftir viðbótarframfærslu vegna barnsins.
Áhrif tekna
Tekjur á árinu geta haft áhrif til lækkunar á námslán, þar með talið skólagjaldalán og önnur lán.
Tekjur umfram frítekjumark dragast fyrst frá framfærsluláni. Ef tekjur eru það háar að þær eyði út framfærsluláni byrja skólagjaldalánin að skerðast. Sjá upplýsningar undir Áhrif tekna á námslán.
