Umsókn
Umsóknarblað á Mínu svæði
Mitt svæði er aðgengilegt í gegnum heimabanka þinn og einnig með veflykli RSK beint frá vefsvæði LÍN.
Skilyrði fyrir því að sækja um námslán
- Umsækjendur verða að vera fjárráða (18 ára) til að geta sótt um námslán.
- Ákveðin búsetuskilyrði gilda og/eða skilyrði um tengsl við Ísland sem íslenskir og erlendir ríkisborgara þurfa að uppfylla.
- Skilyrði sem námsmenn þurfa m.a. að uppfylla, til þess að teljast lánshæfir sem lántakendur hjá sjóðnum, eru að þeir séu ekki á vanskilaskrá né í vanskilum við sjóðinn þegar sótt er um nýtt lán og bú þeirra sé ekki til gjaldþrotameðferðar.
- Teljist námsmaður ekki lánshæfur skv. framangreindu getur hann sótt um undanþágu frá þessari grein enda sýni hann fram á annað, eða að hann leggi fram aðrar ábyrgðir sem sjóðurinn telur viðunandi, s.s. veð eða sjálfskuldarábyrgð þriðja aðila.
- Sömu kröfur eru gerðar til ábyrgðarmanna og gerðar eru til lánþega sbr. kafla 5.3 í úthlutunarreglum sjóðsins.
Sækja þarf um námslán fyrir hvert skólaár. Hægt er að sækja um allt skólaárið (haust- og vorönn) í einu lagi.
Umsóknarfrestir
- Haustönn; 1. desember 2012. Berist umsókn eftir þann tíma gildir hún einungis fyrir á vorönn.
- Vorönn; lokafrestur vegna náms á vorönn er til 1. maí 2013.
- Sumarönn; umsókn um lán á sumarönn þarf að berast fyrir 1. júlí 2013.
Berist umsókn eftir framangreinda umsóknarfresti getur námsmaður ekki fengið námslán fyrir þá önn.
Umsækjendur sem ekki eiga möguleika á að nýta sér Mitt svæði geta óskað eftir að fá sent eyðublað vegna umsóknar eða sótt það í afgreiðslu LÍN í Borgartúni 21, Reykjavík.
