Skuldabréf

Útborgun lána er háð því skilyrði að LÍN hafi undir höndum undirritað skuldabréf sem þar sem lánþegi ábyrgist endurgreiðslu lánsins.

• Námsmenn fá skuldabréfin send til undirritunar frá Lánasjóðnum áður en kemur að fyrstu útborgun.
• Ef námsmaður gerir ekki lengra hlé á námi sínu en eitt skólaár getur sama skuldabréfið dugað allan námstímann. Geri námsmaður meira en eins árs hlé á námi verður eldra skuldabréfinu lokað og nýtt skuldabréf gefið út ef viðkomandi hefur aftur nám.
• Námsmenn erlendis athugið: Umboðsmaður má undirrita skuldabréfið fyrir hönd námsmanns.
• Tveir aðilar þurfa að votta rétta undirskrift á skuldabréf. Að gefnu tilefni er bent á að starfsmönnum LÍN er ekki heimilt að að votta undirskriftir.
• Almennt þarf ekki að vera ábyrgðarmaður á skuldabréfinu.
• Skilyrði sem námsmenn þurfa að uppfylla til að teljast lánshæfir er m.a. að þeir séu ekki á vanskilaskrá eða í vanskilum við sjóðinn.
• Teljist námsmaður ekki lánshæfur skv. framangreindu getur hann sótt um undanþágu frá þessari grein enda sýni hann fram á annað eða tilgreini ábyrgðarmann að láninu.
• Einnig er hægt að láta taka veð í fasteign í staðinn fyrir ábyrgðarmann.