Önnur aukalán

Ferðalán

Námsmenn erlendis og námsmenn á Íslandi sem eiga lögheimili að minnsta kosti 100 kílómetra frá námsstað eiga rétt á ferðaláni einu sinni í hverju námi.

Ekki þarf að sækja sérstaklega um ferðalán heldur er það veitt samhliða framfærsluláni ef skilyrði fyrir veitingu þess eru uppfyllt. Nánar er fjallað um ferðalán í kafla 4.9 í úthlutunarreglum LÍN.

Lán vegna meðlagsgreiðslna

Námsmenn sem eru meðlagsskyldir og eru sannanlega að greiða meðlag geta óskað eftir meðlagsláni. Sækja þarf sérstaklega um meðlagslán fyrir hvert barn og er meðlagslán aðeins greitt í lok annar þegar fengist hefur staðfesting á meðlagsskyldu. LÍN leitar staðfestingar á greiðslu meðlags frá Innheimtustofnun sveitarfélaga en meðlagsgreiðendur sem ekki greiða til innheimtustofnunnar þurfa að staðfesta meðlagsgreiðslur sérstaklega með öðrum hætti.

Lán vegna maka

Í sérstökum tilvikum geta námsmenn sótt um aukalán vegna maka ef maki er óvinnufær. Það getur til dæmis átt við ef námsmaður stundar nám erlendis þar sem maki hans hefur ekki kost á að fá atvinnuleyfi (s.s. í Bandaríkjunum).

Nánar er fjallað um heimild fyrir veitingu makaláns í grein 4.4 í úthlutunarreglum LÍN.

 

Lán vegna sjúkratrygginga

Námsmenn sem greiða háar sjúkratryggingar eða sjúkrakostnað erlendis geta sótt um að þeim kostnaði sé mætt með sérstöku láni. Kveðið er á um skilyrði fyrir veitingu slíks láns í grein 4.7 í úthlutunarreglum LÍN.

 

Sækja um námslán