Close contact us

Hafa samband

Nafn
Kennitala
Netfang
Skilaboð

L-43/2011 - Skilyrði lánveitingar - málinu vísað frá málskotsnefnd

Úrskurður

Ár 2012, miðvikudaginn 18. janúar. Fyrir er tekið mál L-43/2011. Kærandi sendi kæru til nefndarinnar þann 14. desember sl. vegna synjunar á námsláni vegna náms í Danmörku. Með bréfi 28. desember sendi málskotsnefnd stjórn LÍN kæruna til umsagnar. Í umsögn stjórnar LÍN sem barst með bréfi dagsettu 4. janúar sl. kemur fram að kærandi hafi hvorki borið mál sitt undir stjórn LÍN né lagt inn formlega umsókn um lán hjá LÍN. Málskotsnefnd veitti kæranda frest til að tjá sig um athugasemdir LÍN. Engar athugasemdir bárust frá kæranda um umsögn stjórnar LÍN. Samkvæmt 2. málsgrein 5.a. greinar laga nr. 21/1992 um Lánasjóð íslenskra námsmanna er valdsvið málskotsnefndar takmarkað við að skera úr um hvort úrskurðir stjórnar Lánasjóðs íslenskra námsmanna séu í samræmi við ákvæði laga og reglugerða. Þar sem umrætt álitamál hefur ekki verið borið undir stjórn sjóðsins brestur nefndina vald til að fjalla um það og er kærunni vísað frá nefndinni. 

Til baka