Close contact us

Hafa samband

Nafn
Kennitala
Netfang
Skilaboð

L-05/2012 - Skilyrði lánveitingar - málinu vísað frá málskotsnefnd

Úrskurður

Ár 2012, miðvikudaginn 14. mars. Fyrir er tekið mál L-5/2012. Kærandi sendi kæru til nefndarinnar þann 11. febrúar sl. vegna synjunar á námsláni. Með bréfi 13. febrúar sendi málskotsnefnd stjórn LÍN kæruna til umsagnar. Í umsögn stjórnar LÍN sem barst með bréfi dagsettu 28. febúar sl. kemur fram að kærandi hafi ekki borið mál sitt undir stjórn LÍN. Málskotsnefnd tilkynnti kæranda um athugasemdir LÍN, vakti athygli á kærufresti til stjórnar LÍN og að málið yrði tekið fyrir hjá málskotsnefnd 14. mars. Engar athugasemdir bárust frá kæranda um umsögn stjórnar LÍN. Samkvæmt 2. málsgrein 5.a. greinar laga nr. 21/1992 um Lánasjóð íslenskra námsmanna er valdsvið málskotsnefndar takmarkað við að skera úr um hvort úrskurðir stjórnar Lánasjóðs íslenskra námsmanna séu í samræmi við ákvæði laga og reglugerða. Þar sem umrætt álitamál hefur ekki verið borið undir stjórn sjóðsins brestur nefndina vald til að fjalla um það og er kærunni vísað frá nefndinni. 

Til baka