Close contact us

Hafa samband

Nafn
Kennitala
Netfang
Skilaboð

L-40/2012 - Endurgreiðsla námslána - málinu vísað frá

Úrskurður

Ár 2012, miðvikudaginn 26. september. Fyrir er tekið mál L-40/2012. Kærandi sendi kæru til nefndarinnar þann 31. ágúst sl. vegna útreiknings tekjutengdrar afborgunar námslána. Með bréfi 7. september sendi málskotsnefnd stjórn LÍN kæruna til umsagnar. Í umsögn stjórnar LÍN sem barst með bréfi dagsettu 18. september sl. kemur fram að kærandi hafi ekki borið mál sitt undir stjórn LÍN. Var kæranda tilkynnt um þetta þann 21. september sl. og að af þessum sökum bæri að vísa málinu frá nefndinni. Samkvæmt 2. málsgrein 5.a. greinar laga nr. 21/1992 um Lánasjóð íslenskra námsmanna er valdsvið málskotsnefndar takmarkað við að skera úr um hvort úrskurðir stjórnar Lánasjóðs íslenskra námsmanna séu í samræmi við ákvæði laga og reglugerða. Þar sem umrætt álitamál hefur ekki verið borið undir stjórn sjóðsins brestur nefndina vald til að fjalla um það og er kærunni vísað frá nefndinni. 

Til baka