Close contact us

Hafa samband

Nafn
Kennitala
Netfang
Skilaboð

L-31/2013 - Námsframvinda - málinu vísað frá

Úrskurður

Ár 2013, miðvikudaginn 18. desember er tekið fyrir mál nr. L-31/2013. Kærandi sendi kæru til nefndarinnar í gegnum heimasíðu LÍN þann 1. júní sl. vegna synjunar stjórnar LÍN þann 1. mars sl. um undanþágu frá námsframvindu. Þann 2. júlí upplýsti stjórn LÍN málskotsnefnd um að til stæði að taka mál kæranda fyrir að nýju. Málskotsnefnd tilkynnti kæranda að meðferð máls hennar yrði frestað þar til niðurstaða lægi fyrir um endurupptöku hjá stjórn LÍN. Með bréfi dagsettu 22. október tilkynnti stjórn LÍN kæranda um að hinn kærði úrskurður stjórnar frá 1. mars sl. hefði verið afturkallaður og að nýr úrskurður hefði verið tekinn í máli hennar þar sem fallist hefði verið á að veita henni undanþágu frá námsframvindu. Þó hefði stjórn LÍN ekki fallist á að heimila henni a nýta sk. bónuseiningar. Með bréfi dagsettu 10. desember tilkynnti málskotsnefnd kæranda að fyrirhugað væri að vísa kæru hennar frá þar sem hinn kærði úrskurður hefði verið afturkallaður. Var kæranda leiðbeint um að hún ætti þess kost að kæra hinn nýja úrskurð. Samkvæmt 2. mgr. 5. a. gr. laga nr. 21/1992 um Lánasjóð íslenskra námsmanna er valdsvið málskotsnefndar takmarkað við að skera úr um hvort úrskurðir stjórnar Lánasjóðs íslenskra námsmanna séu í samræmi við ákvæði laga og reglugerða. Hinn kærði úrskurður frá 1. mars hefur verið afturkallaður og eru því ekki forsendur til þess að fjalla um kæruna hjá málskotsnefnd. Er kærunni vísað frá nefndinni.

Til baka