Close contact us

Hafa samband

Nafn
Kennitala
Netfang
Skilaboð

L-57/2013 - Undanþágur frá afborgun - málinu vísað frá

Úrskurður

Ár 2013, miðvikudaginn 18. desember er tekið fyrir mál nr. L-57/2013. Kærandi sendi kæru til nefndarinnar í gegnum heimasíðu LÍN þann 6. nóvember sl. vegna synjunar á undanþágu frá greiðslu námslána vegna lánshæfs náms. Málskotsnefnd sendi málið til umsagnar stjórnar LÍN þann 12. nóvember 2013. Í svarbréfi stjórnar LÍN dagsettu 10. desember sl. kemur fram að kærandi hafi ekki borið mál sitt undir stjórn LÍN. Samkvæmt 2. mgr. 5. a. gr. laga nr. 21/1992 um Lánasjóð íslenskra námsmanna er valdsvið málskotsnefndar takmarkað við að skera úr um hvort úrskurðir stjórnar Lánasjóðs íslenskra námsmanna séu í samræmi við ákvæði laga og reglugerða. Engar heimildir eru í lögum til að víkja frá þessari kröfu. Úrskurður málskotsnefndar í máli kæranda hefði því ekkert gildi að lögum. Þar sem umrætt álitamál hefur ekki verið borið undir stjórn sjóðsins brestur málskotsnefndina vald til að fjalla um það og er kærunni vísað frá nefndinni. 

Til baka