Close contact us

Hafa samband

Nafn
Kennitala
Netfang
Skilaboð

L-27/2014 - Undanþágur frá afborgun - málinu vísað frá málskotsnefnd

Úrskurður

Ár 2014, miðvikudaginn 22. október er tekið fyrir mál nr. L-27/2014. Kærandi sendi kæru til nefndarinnar þann 3. þ.m. vegna ákvörðunar Lánasjóðs íslenskra námsmanna um að synja eiginkonu hans um undanþágu frá greiðslu afborgunar námsláns. Í samskiptum við kæranda kom í ljós að hann hafði ekki borið mál sitt undir stjórn LÍN. Var kæranda leiðbeint um að hann yrði að bera ágreining undir stjórn LÍN áður en hægt væri að skjóta málinu til málskotsnefndar. Samkvæmt 2. mgr. 5.a. gr. laga nr. 21/1992 um Lánasjóð íslenskra námsmanna er valdsvið málskotsnefndar takmarkað við að skera úr um hvort úrskurðir stjórnar Lánasjóðs íslenskra námsmanna séu í samræmi við ákvæði laga og reglugerða. Þar sem umrætt álitamál hefur ekki verið borið undir stjórn sjóðsins brestur málskotsnefndina vald til að fjalla um það og er kærunni vísað frá nefndinni.

Til baka