Close contact us

Hafa samband

Nafn
Kennitala
Netfang
Skilaboð

L-02/2015 - Skilyrði lánveitingar - beiðni um undanþágu vegna veikinda

Úrskurður

Ár 2015, miðvikudaginn 25. febrúar er tekið fyrir mál nr. L-2/2015. Kærandi sendi kæru til nefndarinnar þann 4. janúar 2015 vegna ákvörðunar Lánasjóðs íslenskra námsmanna um beiðni hennar um svigrúm vegna veikinda á vorönn 2014. Með bréfi 5. janúar sl. sendi málskotsnefnd stjórn LÍN kæruna til umsagnar. Í umsögn stjórnar LÍN sem barst með bréfi dagsettu 12. febrúar sl. kemur fram að kærandi hafi ekki borið mál sitt undir stjórn LÍN. Samkvæmt 2. mgr. 5.a. gr. laga nr. 21/1992 um Lánasjóð íslenskra námsmanna er valdsvið málskotsnefndar takmarkað við að skera úr um hvort úrskurðir stjórnar Lánasjóðs íslenskra námsmanna séu í samræmi við ákvæði laga og reglugerða. Þar sem umrætt álitamál hefur ekki verið borið undir stjórn sjóðsins brestur málskotsnefndina vald til að fjalla um það og er kærunni vísað frá nefndinni. 

Til baka