Close contact us

Hafa samband

Nafn
Kennitala
Netfang
Skilaboð

L-16/2015 - Undanþágur frá afborgun - málinu vísað frá

Úrskurður

Ár 2015, miðvikudaginn 19. ágúst er tekið fyrir mál nr. L-16/2015. Kærandi sendi kæru til nefndarinnar þann 8. júní 2015 vegna ákvörðunar Lánasjóðs íslenskra námsmanna um beiðni hennar um undanþágu frá greiðslu afborgunar vorið 2015. Með bréfi sama dag sendi málskotsnefnd stjórn LÍN kæruna til umsagnar. Í umsögn stjórnar LÍN sem barst með bréfi dagsettu 10. júlí sl. kemur fram að kærandi hafi ekki borið mál sitt undir stjórn LÍN. Málskotsnefnd sendi kæranda bréf vegna þessa 14. júlí 2015 með leiðbeiningum um að óska þyrfti ákvörðunar stjórnar LÍN í málinu áður en það væri kært til málskotsnefndar. Samkvæmt 2. mgr. 5.a. gr. laga nr. 21/1992 um Lánasjóð íslenskra námsmanna er valdsvið málskotsnefndar takmarkað við að skera úr um hvort úrskurðir stjórnar Lánasjóðs íslenskra námsmanna séu í samræmi við ákvæði laga og reglugerða. Þar sem umrætt álitamál hefur ekki verið borið undir stjórn sjóðsins brestur málskotsnefndina vald til að fjalla um það og er kærunni vísað frá nefndinni. 

Til baka