Close contact us

Hafa samband

Nafn
Kennitala
Netfang
Skilaboð

L-31/2015 - Undanþágur frá afborgun - málinu vísað frá

Úrskurður

Ár 2016, miðvikudaginn 13. janúar er tekið fyrir mál nr. L-31/2015. Kærandi sendi kæru til nefndarinnar þann 19. nóvember 2015 vegna ákvörðunar Lánasjóðs íslenskra námsmanna um tekjutengda afborgun. Með bréfi 20. nóvember 2015 sendi málskotsnefnd stjórn LÍN kæruna til umsagnar. Í umsögn stjórnar LÍN sem barst með bréfi dagsettu 1. desember sl. kemur fram að kærandi hafi ekki borið mál sitt undir stjórn LÍN. Fór stjórn LÍN þess á leit að málskotsnefnd vísaði málinu frá. Var kæranda kynnt afstaða stjórnar LÍN með bréfi dagsettu 4. desember og hann upplýstur um að málskotsnefnd hygðist vísa málinu frá. Var honum bent á að bera mál sitt undir stjórn LÍN. Samkvæmt 2. mgr. 5.a. gr. laga nr. 21/1992 um Lánasjóð íslenskra námsmanna er valdsvið málskotsnefndar takmarkað við að skera úr um hvort úrskurðir stjórnar Lánasjóðs íslenskra námsmanna séu í samræmi við ákvæði laga og reglugerða. Þar sem umrætt álitamál hefur ekki verið borið undir stjórn sjóðsins brestur málskotsnefndina vald til að fjalla um það og er kærunni vísað frá nefndinni. 

Til baka