Close contact us

Hafa samband

Nafn
Kennitala
Netfang
Skilaboð

L-19/2016 - Ábyrgðarmenn - málinu vísað frá

Úrskurður

Ár 2016, mánudaginn 17. október er tekið fyrir mál nr. L-19/2016. Kærandi sendi kæru til nefndarinnar þann 25. ágúst 2016 vegna ákvörðunar Lánasjóðs íslenskra námsmanna varðandi ábyrgð hennar á vanskilum lántaka hjá LÍN. Málskotsnefnd óskaði upplýsinga frá kæranda um hvort málið hafi verið borið undir stjórn LÍN. Engin svör bárust frá kæranda. Með bréfi þann 6. september sl. sendi málskotsnefnd stjórn LÍN kæruna til umsagnar. Í umsögn stjórnar LÍN sem barst með bréfi dagsettu 3. október sl. kemur fram að kærandi hafi ekki borið mál sitt undir stjórn LÍN. Samkvæmt 2. mgr. 5.a. gr. laga nr. 21/1992 um Lánasjóð íslenskra námsmanna er valdsvið málskotsnefndar takmarkað við að skera úr um hvort úrskurðir stjórnar Lánasjóðs íslenskra námsmanna séu í samræmi við ákvæði laga og reglugerða. Þar sem umrætt álitamál hefur ekki verið borið undir stjórn sjóðsins brestur málskotsnefndina vald til að fjalla um það og er kærunni vísað frá nefndinni. 

Til baka