Close contact us

Hafa samband

Nafn
Kennitala
Netfang
Skilaboð

L-27/2016 - Undanþágur frá afborgun - málinu vísað frá nefndinni

Úrskurður

Ár 2016, miðvikudaginn 23. nóvember er tekið fyrir mál nr. L-27/2016. Kærandi sendi kæru til nefndarinnar þann 16. nóvember 2016 vegna ákvörðunar Lánasjóðs íslenskra námsmanna um að synja beiðni hennar um undanþágu frá afborgun og vegna þess að beiðni hennar um greiðsludreifingu hafi ekki verið svarað. Málskotsnefnd óskaði upplýsinga frá kæranda um hvort málið hafi verið borið undir stjórn LÍN. Kærandi upplýsti að umrædd álitamál hefðu ekki verið borin undir stjórn LÍN. Kæranda var leiðbeint um að bera mál sín undir stjórn LÍN og bent á að snúa sér til sjóðsins til að fá nánari upplýsingar eða niðurstöðu í málum sínum. Kærandi var einnig innt eftir því hvort hún myndi draga kæru sína til baka. Engin frekari svör bárust frá kæranda. Samkvæmt 2. mgr. 5.a. gr. laga nr. 21/1992 um Lánasjóð íslenskra námsmanna er valdsvið málskotsnefndar takmarkað við að skera úr um hvort úrskurðir stjórnar Lánasjóðs íslenskra námsmanna séu í samræmi við ákvæði laga og reglugerða. Þar sem umrætt álitamál hefur ekki verið borið undir stjórn sjóðsins brestur málskotsnefndina vald til að fjalla um það og er kærunni vísað frá nefndinni. 

Til baka