Close contact us

Hafa samband

Nafn
Kennitala
Netfang
Skilaboð

L-06/2017 - Undanþágur frá afborgun - málinu vísað frá málskotsnefnd

Úrskurður

Ár 2017, miðvikudaginn 31. maí er tekið fyrir mál nr. L-6/2017. Kærandi sendi kæru til nefndarinnar þann 13. maí 2017 vegna ákvörðunar Lánasjóðs íslenskra námsmanna um að synja henni um undanþágu afborgunar námsláns. Málskotsnefnd óskaði nánari útskýringa frá kæranda og kom þá í ljós að kærandi hafði ekki borið málið undir stjórn LÍN. Kæranda var leiðbeint um að óska frekari leiðbeininga frá LÍN um framlagningu gagna og eftir atvikum að bera mál sitt undir stjórn. Óskað var staðfestingar kæranda um að hún drægi kæruna til baka en hún hafnaði því. Var kærandi þá upplýst um að nefndin myndi frávísa málinu. Jafnframt var óskað upplýsinga um málið hjá LÍN. Samkvæmt upplýsingum LÍN hefur kærandi ekki borið mál sitt undir stjórn. Samkvæmt 2. mgr. 5.a. gr. laga nr. 21/1992 um Lánasjóð íslenskra námsmanna er valdsvið málskotsnefndar takmarkað við að skera úr um hvort úrskurðir stjórnar Lánasjóðs íslenskra námsmanna séu í samræmi við ákvæði laga og reglugerða. Þar sem umrætt álitamál hefur ekki verið borið undir stjórn sjóðsins brestur málskotsnefndina vald til að fjalla um það og er kærunni vísað frá nefndinni. 

Til baka