Close contact us

Hafa samband

Nafn
Kennitala
Netfang
Skilaboð

L-10/2018 - Ábyrgðarmenn - beiðni um niðurfellingu ábyrgðar - málinu vísað frá

Bókun um frávísun máls.

Mál L-10/2018.

Ár 2019, miðvikudaginn 27. febrúar er tekið fyrir mál nr. L-10/2018.

Kærandi sendi kæru til nefndarinnar þann 5. desember 2018 vegna ákvörðunar Lánasjóðs íslenskra námsmanna um að synja henni um niðurfellingu ábyrgðar hennar á námsláni. Með bréfi þann 6. desember sl. sendi málskotsnefnd stjórn LÍN kæruna til umsagnar. Í umsögn stjórnar LÍN sem barst með bréfi dagsettu 28. desember kemur fram að kærandi hafi ekki borið mál sitt undir stjórn LÍN. Samkvæmt 2. mgr. 5.a. gr. laga nr. 21/1992 um Lánasjóð íslenskra námsmanna er valdsvið málskotsnefndar takmarkað við að skera úr um hvort úrskurðir stjórnar Lánasjóðs íslenskra námsmanna séu í samræmi við ákvæði laga og reglugerða. Þar sem umrætt álitamál hefur ekki verið borið undir stjórn sjóðsins brestur málskotsnefndina vald til að fjalla um það og er kærunni vísað frá nefndinni.  Kærandi hefur þegar verið upplýst um að málinu verði vísað frá og leiðbeint um að bera mál sitt undir stjórn LÍN.

Til baka